İran atəşkəsin dayandırılması ilə bağlı çərçivə sazişi əldə olunacağı təqdirdə Hörmüz boğazını aprelin 9-u və ya 10-da aça bilər.
Bizim.Media xəbər verir ki, bu barədə Reuters agentliyi mənbəyə istinadən məlumat yayıb.
Mənbə qeyd edib ki, İran rəsmisi boğazın cümə axşamı və ya cümə günü məhdud və nəzarətli şəkildə açıla biləcəyini bildirib.
Hazırda boğaz bağlı olaraq qalır. Reuters və digər mənbələrə görə, açılış baş tutsa, gəmilər İran hərbi strukturları ilə koordinasiya şəraitində hərəkət edəcək.
ABŞ Prezidenti Donald Tramp da aprelin 8-də bildirib ki, Vaşinqton Hörmüz boğazında toplanmış gəmi hərəkətinin tənzimlənməsinə kömək edəcək. O, atəşkəsdən sonra boğazda hərəkətin bərpasını ABŞ üçün “tam qələbə” kimi qiymətləndirib.
Bizim.Media
