Etirazları zamanı təhlükəsizlik qüvvələrinin sərt müdaxiləsi nəticəsində çoxsaylı insan həlak olub. Ölənlərin statistik məlumatına görə, təxminən 50%-dən çoxu türk mənşəlidir.
Bizim.Media xəbər verir ki, bu faciələrin simvolik təsiri isə bir ananın itkisi ilə ən dəhşətli şəkildə ortaya çıxır. Ana oğlunun cəsədini cəsədlərin içində axtarır və kədərlə deyir:
“Möbin can… ana ölür… Mən gəldim… Həmişə üzərinə örtük qoyurdum ki, soyuq dəyməsin… Gec gəldim ana. Məni bağışla…”.
Bu sözlər, bir ananın itkinin gətirdiyi boşluğu, peşmanlığı və dərin kədərini bütün sərtliyi ilə göstərir. Oğlunun etirazlar zamanı öldürülməsi onun ürəyində silinməz yara açıb.
Bu hadisələr həm insanlıq, həm də milli təbəqələr üzrə ağır bir faciə kimi tarixə düşür.
Bizim.Media
