Türkiyə Prezidenti Rəcəb Tayyib Ərdoğan ABŞ-ın Venesuela Prezidenti Nikolas Maduronu Türkiyəyə getməyə dəvət etməsi ilə bağlı yayılan şayiələri təkzib edib.
Bizim.Media xəbər verir ki, bu barədə informasiyanı TRT Haber telekanalı yayıb.
“Bizə belə bir məlumat daxil olmayıb, belə bir hal baş verməyib”, — deyə o, qeyd edib.
Daha əvvəl The New York Times (NYT) qəzeti yazmışdı ki, ABŞ hakimiyyəti 23 dekabr tarixində Maduronu ölkəni tərk edərək Türkiyəyə getməyə razı salmağa çalışıb, lakin Venesuela lideri bu planı “qəzəblə rədd edib”.
Yanvarın 3-də Venesuelanın xarici işlər naziri İvan Hil Pinto bildirib ki, ABŞ Karakasda mülki və hərbi obyektlərə zərbələr endirib. O, Vaşinqtonun hərəkətlərini hərbi təcavüz adlandırıb və bu səbəbdən Latın Amerikası ölkəsində fövqəladə vəziyyət elan edildiyini açıqlayıb.
ABŞ Prezidenti Donald Tramp zərbələrin endirildiyini təsdiqləyib. Vaşinqton Maduronu və onun həyat yoldaşını ələ keçirərək ölkədən çıxarmaq məqsədilə əməliyyat həyata keçirib.
Bizim.Media
