2022-ci ildə Ermənistanı gözləyən 11 əsas PROBLEM

2022-ci ildə erməni xalqı 2021-ci ildə olduğu kimi həllini tapmayan eyni həyati problemlərlə üz-üzədir.

Bizim.Media xəbər verir ki, bu fikirləri tarixçi, siyasi elmlər doktoru Armen Ayvazyan öz Facebook səhifəsində yazıb. 

Erməni alim ölkəsinin ən mühüm 11 problemini bu cür təsnif edib: 

1. Paşinyan xuntasını hakimiyyətdən uzaqlaşdırmaq. 

2. Yaşı 40-dan yuxarı olan peşəkar, partiyasız mütəxəssislərdən ibarət müvəqqəti hökumət formalaşdırmaq. 

3. Ermənistan ordusunu yenidən təşkil və təchiz etmək. 

4. Daxili hərbi sənaye kompleksini qabaqcıl templə qurmaq, Ermənistan ordusuna daha geniş çeşiddə hərbi məhsullar vermək. 

5. Yaxşı təlim keçmiş, səmərəli və böyük ordu ehtiyatı yaratmaq. 

6. Ermənistan Respublikasının yaşı 21-dən 55-ə qədər olan bütün kişi əhalisini, eyni yaşda olan könüllü qadın və qızları bu işə cəlb etməklə çoxminlik silahlı beynəlxalq hərbi qüvvə yaratmaq. 

7. Evə qayıtma, iş, peşə və təhsil proqramları, hərbi xidmət daxil olmaqla, kütləvi repatriasiyanı digər mümkün vasitələrlə təşkil etmək. 

8. Ən son texnologiyaların geniş imkanlarından istifadə edərək, güc mərkəzlərindən, “müxalifət”dən və xarici mərkəzlərdən asılı olmayan alternativ erməni mediası yaratmaq. 

9. Diasporun maliyyə və peşəkar potensialını Ermənistan iqtisadiyyatının inkişafına geniş şəkildə cəlb etmək. 

10. Süniki bir-biri ilə əlaqəli bir sıra müdafiə bölgələrinə bölünmüş alınmaz qalaya çevirmək. 

11. Erməni xalqının ləyaqət və şərəfini dövlət və ictimai səviyyədə hər cür kənar məlumatlardan və psixoloji təxribatlardan, eyni zamanda digər hücumlardan qətiyyətlə müdafiə etmək. 

Bizim.Media