Paşinyan Soçiyə getdi – ONU HANSI SÜRPRİZ GÖZLƏYİR?

Ermənistanın baş naziri Nikol Paşinyan cümə günü Rusiya Federasiyasına işgüzar səfərə gedib.

Bizim.Media xəbər verir ki, bu barədə Ermənistan Nazirlər Kabinetinin mətbuat xidməti məlumat yayıb.

Soçidə baş nazir Nikol Paşinyanın, Rusiya prezidenti Vladimir Putinin və Azərbaycan prezidenti İlham Əliyevin üçtərəfli görüşü planlaşdırılır.

Nikol Paşinyanın Vladimir Putinlə də ikitərəfli görüşü olacaq.

Xatırladaq ki, bu gün Soçidə Rusiya, Ermənistan və Azərbaycan liderlərinin görüşü baş tutacaq. Bu, Qarabağla bağlı üçtərəfli bəyanatın imzalanmasının ildönümünə təsadüf edəcək. Putin, Paşinyan və Əliyev 10 noyabr 2020-ci il və 11 yanvar 2021-ci il tarixli sazişlərin icrasını nəzərdən keçirəcək, regionda sabitliyin möhkəmləndirilməsi və dinc həyatın bərqərar olması üçün gələcək addımları müəyyən edəcək.

Ticarət-iqtisadi və nəqliyyat əlaqələrinin bərpasına və inkişafına xüsusi diqqət yetiriləcək.

Ümumi yığıncaqdan əlavə, Putinlə Ermənistanın baş naziri və Azərbaycan prezidenti arasında ayrıca danışıqlar da nəzərdə tutulub. 

Bizim.Media