"Ermənistan" müxalifət fraksiyasının rəhbəri Seyran Ohanyanın Kollektiv Təhlükəsizlik Müqaviləsi Təşkilatı (KTMT) Parlament Assambleyasının iclasında iştirak etmək üçün xaricə getməsinə icazə verilməyib.
Bizim.Media xəbər verir ki, Sankt -Peterburqa getmək üçün hava limanına gələn S.Ohanyan geri qaytarılıb.
Ermənistan müxalifəti baş verənləri deputat toxunulmazlığının pozulması adlandırıb.
Keçmiş müdafiə naziri və hazırda millət vəkili olan Seyran Ohanyan, Müdafiə Nazirliyinin mülkiyyətinin özəlləşdirilməsi zamanı dövlət vəsaitlərinin mənimsənilməsi ilə bağlı istintaqa cəlb edilib. Onun həbs ediləcəyi ehtimal edilir.
Qeyd edək ki, o, Xocalı soyqırımının əsas təşkilatçısı və icraçılarından birdiir.
Oral Mədənçi, Bizim.Media
