Gorus şəhər merinin ETİRAFI: “Azərbaycanla sərhəddə vəziyyət yaxşı deyil”

Bu anda Azərbaycanla sərhəddəki vəziyyət eynidir, müsbət dəyişiklik yoxdur, düşmən əvvəllər irəlilədiyi yerlərdə dayanıb.

Bizim.Media xəbər verir ki, bu fikirləri Gorus şəhərinin meri, “Ermənistan” blokundan deputatlığa namizəd Aruş Aruşanyan 8 iyun tarixində Gorus şəhərində təşkil edilən seçkiqabağı təşviqat zamanı “news.am” saytına verdiyi müsahibəsində bildirib.

Onun sözlərinə görə, Baş nazir vəzifəsini icra edən Nikol Paşinyan çantası ilə birgə gedənədək Ermənistanda seçki bitməyəcək. Aruşanyan o vaxtadək heç bir müsbət dəyişikliyin olmayacağını deyib.

“Əminəm ki, “Ermənistan” bloku xalqdan yüksək etimad alacaq, çünki bu müddət ərzində çox iş görmüşük. Təbii ki, insanlar bizə etibar edirlər, buna görə də yüksək performans göstərəcəyik. İnsanlar Ermənistanın ikinci prezidenti Robert Köçəryanın islahatlarını gördülər. İş adamları deyirlər ki, əldə etdikləri hər şey Köçəryanın dövründə olub”, deyə o, qeyd edib.

Bizim.Media