Xəbər verdiyimiz kimi, Ermənistan parlamentində bu gün hökumətlə sual-cavab sessiyası keçiriləcək. Baş nazir Nikol Paşinyan da sessiyada iştirak edəcək. Bununla bağlı hazırda iclas zalında ciddi təhlükəsizlik tədbirləri görülür, hətta masalardan su butulkaları da yığılıb.
Bizim.Media xəbər verir ki, bu barədə görüntüləri "news.am" saytı yayıb.
Nikol Paşinyanın təhlükəsizlik işçiləri iclas başlamazdan əvvəl stulları yoxlayırlar, hətta jurnalistlərin də onlara ayrılmış lojada əyləşməsinə icazə verilmir.
Xatırladaq ki, arxiyepiskop Baqrat Qalstanyan bu gün vacib işlərinin olduğunu bildirib və vətəndaşlardan saat 15:00-da Baqramyan prospektində - parlamentin binası ilə üzbəüz olmasını xahiş edib.
Bizim.Media
