İranda zəhərlənən məktəblilərin valideynlərindən ETİRAZ - VİDEO

İranın Ərdəbil şəhərindəki məktəbə kimyəvi hücum edilib.

Bizim.Media xəbər verir ki, bu barədə "Azad İran" teleqram kanalında məlumat verilib.

Bildirilib ki, zəhərlənmiş şagirdləri xəstəxanaya yerləşdirilib, vəziyətləri ağırdır.

Ağır vəziyətdə olan şagirdlərdən birinin valideyni molla rejiminin məmurlarına xitabən kinayəli tərzdə fikrini deyib: 

"Cənab icra hakimi, övladlarımızın qeydinə qaldığınız üçün sağ olun, Allah sizə kömək olsun, siz namaz qılın, oruc tutun, onsuz da bizim ölkənin vəziyyəti belədir".

Əlavə olaraq bildirilib ki, Ərdəbildəki Merac məktəbi 4 dəfə kimyəvi hücuma məruz qalıb və hələ də məktəbdə heç bir təhlükəsizlik tədbiri həyata keçirilməyib.

Qəyyumlar və rəsmilər şagirdlərin zəhərlənməsi xəbərinə heç bir reaksiya verməyib.