Məktəbli qızların zəhərlənməsinə görə İranda 100-dən çox adam həbs edildi

İran hakimiyyəti məktəblərdə zəhərlənmə ittihamı ilə yüzdən çox adamı həbs edib.

Bizim.Media xəbər verir ki, bu barədə informasiyanı İranın İRNA agentliyi yayıb.

İranın Daxili İşlər Nazirliyinin məlumatına görə, saxlanılanlardan bəziləri “fəsad ucbatından”, digərləri isə “əhalini və tələbələri dəhşətə gətirmək, məktəbləri bağlamaq və İrana qarşı skeptisizm yaratmaq məqsədilə” zərərsiz, xoşagəlməz iyli maddələrdən istifadə ediblər.

Sonuncuların terror təşkilatları ilə əlaqəsi yoxlanılır.

Qeyd edək ki, əsasən qızlardan ibarət hər iki cinsdən olan 1 000-dən çox məktəbli zəhərlənib. Onların bəziləri xəstəxanada müalicə alıblar.

Bizim.Media