Türkiyə Ceyhan ixrac terminalına neft tədarükünü bərpa etdi

Türkiyə çərşənbə axşamı axşam saatlarında Ceyhan ixrac terminalına neft tədarükünü bərpa edib.

Bizim.Media xəbər verir ki, bu barədə informasiyanı Bloomberg agentliyi məsələ ilə bağlı məlumatlı rəsmiyə istinadən yayıb.

Agentliyin mənbəsi bildirib ki, neftin gəmilərə yüklənməsi gecə yarısından başlayıb. Neft İraqdan gələn gəmilərə yüklənir.

Öz növbəsində BP-nin Bakıdakı nümayəndəsi qeyd edib ki, limanın Bakı-Tbilisi-Ceyhan boru kəmərindən neft tədarük edən hissəsindən ixrac hələ də bərpa olunmayıb.

Türkiyənin dövlət boru kəməri operatoru “Botaş” bölgədə baş verən zəlzələdən sonra səhər tezdən ehtiyat tədbiri olaraq terminala neft tədarükünü dayandırıb.

Xatırladaq ki, fevralın 6-da səhər saatlarında Türkiyənin cənub-şərqində 7,7 bal gücündə zəlzələ baş verib. Prezident Rəcəb Tayyib Ərdoğanın sözlərinə görə, bu, 1939-cu ildən bəri ən güclü zəlzələ olub.
Suriyanın bir sıra bölgələrində də dağıntıların olduğu bildirilir. Yeraltı təkanlar Livanın paytaxtı Beyrutda da hiss olunub. 

Bizim.Media