Azərbaycanın İrandakı səfirliyinə silahlı hücum edən şəxsin kimliyi bəlli olub.
Bizim.Media xəbər verir ki, teleqram kanallarında yayılan məlumatda bildirilir ki, hücumu edən şəxs İran vətəndaşı Yasin Hüseynzadə olub.
Qeyd edək ki, bu gün səhər saatlarında Azərbaycanın İrandakı səfirliyinin binasına silahlı hücum edilib. Hadisə nəticəsində səfirliyin bir əməkdaşı ölüb, iki nəfər isə yaralanıb.
MÖVZU İLƏ BAĞLI:
SON DƏQİQƏ: Azərbaycanın İrandakı səfirliyinə hücum edən şəxs SAXLANILDI
Xatırladaq ki, Azərbaycan XİN baş verənlərlə bağlı ilk rəsmi məlumat yayıb. Bildirilir ki, hücum edən şəxs "Kalaşnikov" markalı avtomat silahla mühafizə postunu yararaq, mühafizə xidmətinin rəisini qətlə yetirib.
Səfirliyin iki mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir. Hazırda bu xain hücum üzrə araşdırma gedir. Məsələnin təfərrüatı barədə ictimaiyyətə əlavə məlumat veriləcək.
Bizim.Media
