Əzizə Mustafazadə: "Bir şeyin fərqindəyəm ki, Vaqifdən bir daha olmayacaq" - VİDEO

"Mən orada doğulmuşam, orada böyümüşəm. İçərişəhərsiz heç nəyi təsəvvür etmək mümkün deyil. Mən əsasən Almaniyada yaşayıram, amma ürəyim, ruhum hələ də İçərişəhərdədir. Onu dəyişdirmək olmaz. Bakıya gələndə hisslərim çox qarışıq olur. Bu, nostalji, sonsuz sevgi, sonsuz ağrı, xatirələrdir".

Bizim.Media xəbər verir ki, bu sözləri dahi jazzmen Vaqif Mustafazadənin qızı 52 yaşlı Xalq artisti Əzizə Mustafazadə "Nərgiz" dərgisinə verdiyi video müsahibəsində deyib.  

Sözügedən dərginin baş redaktoru Ülviyyə Mahmudova ilə həmsöhbət olan sənətçi oğlu Ramiz Xanın Bakıda doğulmasa da bu şəhəri çox sevdiyindən söz açıb. 

"Oğlum Bakıya dəli kimi aşiqdir. O, Maynzda doğulub, amma deyir ki, Bakıda doğulmuşam. Ona söyləyirəm ki, oğul mən və atan Bakıda doğulub. Amma sən Maynzdansan. Mənə cavab verir ki, bəli, Maynzda anadan olmuşam, amma mən də Bakıda doğulmuşam. Dediyi də budur".

Ü.Mahmudovanın "Vaqif Mustafazadənin itkisi həyatınıza necə təsir etdi?" sualına Əzizə belə cavab verib:

"Fəlakətli. Mən də, Elza xanım(anası - red.) da hər şeydən çox depressiyaya düşdük. Belə günəşli bir insanın olmaması... Və bu günə qədər. Çox çətindir və zaman sağalmır. Bu, qətiyyən doğru deyil. Ruhdan axan qan heç vaxt laxtalanmaz. Həmişə qanaxır. Mən bununla bağlı heç nə edə bilmərəm. Evə getdim və dərhal atamın köynəyini axtarmağa başladım. Üç gündən sonra on yaşım tamam oldu. Bu, Daşkənddə baş verib. Mənə dəqiq məlumatı Elza xanım dedi. Bu, Corc Gerşvenin “Sevdiyim adam” pyesi idi. Bu atamın məktəbli ikən doqquz yaşında ifa etdiyi ilk caz parçası idi. Atam Gerşveni çox sevirdi. Anam mənə hər şeyin necə baş verdiyini ətraflı izah etdi. 15-də atamla danışdım. İndi xatırladığım kimi. Mən ondan soruşdum, gələcəksən. Dedi, təbii ki, geləcəyəm. Mütləq gələcəyəm mələyim. Ondan soruşuram nə vaxt? Ad gününə dəqiq cavabını verdi".  

Ə.Mustafazadə atası kimi dahi bir şəxsiyyətin bir daha dünyaya gəlməyəcəyini və onun oxşarının olmayacağını vurğulayıb:

"Vaqifdən bir daha olmayacaq. Vaqif təkdir. O, böyük insandır. Özümdən razı deyiləm. Biz daha çox işləməliyik. Nə qədər təqlid etməyə və onun kimi olmağa çalışsalarda da, onun kimi olmayacaqlar. Atam həmişə deyirdi ki, öz esseni yazıb üç almaq daha yaxşıdır nəyin ki essenin nüsxəsindən beş almaq. Bir şeyin fərqindəyəm ki, ikinci Vaqif olmayacaq. Atamın “Bakı gecələri” musiqisini dinləmək mənim üçün çox çətindir. Xüsusilə atamın ifasında xalq musiqisini dinləmək mənim daha da çətindir və ağrılıdır. Məndə dəhşətli nostalji hisslər oyadır. Mən sadəcə onunla heç nə edə bilmirəm. Buna musiqinin gücü deyilir". 

Müsahibənin sonunda dərginin baş redaktorunun "Nə bişirməyi xoşlayırsınız?" sualına Xalq artisti belə münasibət bildirib:

"Plovsuz necə yaşamaq olar? Oğlum deyir ana zəhmət olmasa plovu bişirəndə qazmağı unutma. Mən qazmağı çox sevirəm, zəhmət olmasa, mənim üçün hazırla. Sözsüz ki, özüm bişirirəm. Ailəmizdə hər kəs yemək bişirməyi bacarı. Bizim çox zəngin mətbəximiz var".

Xatırladaq ki, Ə.Mustafazadə oktyabrın 30-u saat 20:00-da Bakı Konqres Mərkəzində canlə konsert proqramı ilə çıxış edəcək. Musiqili gecənin biletləri 30-390 manat cıvarında dəyişir.
Qeyd edək ki, V.Mustafazadə dekabrın 16-da Daşkənddə qastrol zamanı ürəktutmasından 39 yaşında dünyasını dəyişib. Dahi sənətkar Bakıda dəfn olunub. 

Rəşad Əliyev, Bizim.Media