“Məktəblərə şəhid adları verilsin” – Milli Məclisdə TƏKLİF  

“Seçildiyim Suraxanı rayonunda 60 şəhid var. Lakin 35 orta məktəb var ki, onların heç birinə şəhidlərimizin adı verilməyib”.  

Bizim.Media xəbər verir ki, bu fikirləri millət vəkili Etibar Əliyev Milli Məclisin bu gün keçirilən plenar iclasında səsləndirib.  

Etibar Əliyev əlavə edib ki, uşaq bağçaları və küçə adları üçün də eyni vəziyyət hökm sürür: 

“Seçildiyim Qaraçuxur və Yeni Günəşli qəsəbələrində bir sıra küçə adları var ki, onlara da şəhidlərimizin adları verilə bilər. Bu addımı atmaq bu qədərmi çətindir?”, - deyə deputat əlavə edib.  

Murad Əhmədov, Bizim.Media