Xerson vilayətində ukraynalılar bir sıra obyektləri nəzarətə götürdülər

Ukrayna Silahlı Qüvvələri ötən sutka ərzində Xerson vilayətində bir neçə nəqliyyat infrastrukturu obyektini nəzarətə götürüb.

Bizim.Media xəbər verir ki, bu barədə iyulun 25-də səhər saatlarında Xerson vilayət rəhbərliyi məlumat yayıb.

Bildirilib ki, Ukrayna Silahlı Qüvvələri Rusiya ordusunun Kalinovskaya icmasının Suxoy Stavok, Andreyevka, eləcə də Böyük Aleksandrovskaya icmasının Davidov Brod, Beloqorka, Bruskinskoe kəndlərində irəliləməsinə imkan verməyib.
Qeyd edilib ki, Berislav və Kaxov rayonlarının digər kəndlərində vəziyyət ağırdır. 

Vilayət administrasiyasının məlumatına görə, orada döyüş əməliyyatları davam edir: “Böyük təzyiqlərə, təhdidlərə və yolların kəsilməsinə baxmayaraq, rayon sakinləri müharibənin bütün 5 ayı ərzində öz vətənpərvərlik mövqelərini nümayiş etdirirlər”.

Bizim.Media