Oman baş nazirinin köməkçisi Fehd bin Mahmud Al Said, Küveyt əmiri Şeyh Nəvvaf əl-Əhməd əl-Cabir əs-Sabah, Qətər əmiri Şeyh Temim bin Hamed Al Sani Körfəz ölkələri Əməkdaşlıq Şurasının sammitində iştirak üçün Səudiyə Ərəbistanının Əl-Ula şəhərinə səfər ediblər.
Bizim.Media “haberglobal”a istinadən xəbər verir ki, sammitdə Səudiyyə Ərəbistanı və Qətər arasında hava, dəniz və quru sərhədlərinin açılması barədə anlaşmanın imzalanması gözlənilir.
Bununla da Ər-Riyad və Doha arasında 3 ildir ki, davam edən anlaşılmazlıq həllini tapa bilər.
Qətər əmirini hava limanında Səudiyyə Ərəbistanı vəliəhdi şahzadə Məhəməd bin Salmanın mülayim qarşılaması da gözdən qaçmayıb.
Xatırladaq ki, 2017-ci ildə Səudiyyə Ərəbistanı, Misir, BƏƏ və Bəhreyn terrorizmə dəstək səbəbi ilə Qətərlə diplomatik əlaqələri kəsmişdilər.
Bizim.Media
