14 fevralda Bakıda sevgilisi üçün 1001 ədəd zanbağı kim sifariş verib? - VİDEOREPORTAJ

Artıq 15 il var ki, Azərbaycanda “Sevgililər günü” iyunun 30-da qeyd olunur. Amma buna paralel fevralın 14-ü də unudulmur. Məhz bu gün restoranlarda öncədən sifariş etmədən yer tapmaq mümkün olmur. Gül dükanlarındakı müştəri sıxlığı da deməyə əsas verir ki, əslində bayram etmək üçün bəhanə lazımdır. 

Elə şəhərimizin sakinləri də sorğumuzu etirazla qarşılamadılar. Yaşlısından gəncinə kimi heç kim sevdiyinin könlünü qırmaq istəmədi, xüsusi hədiyyə gözləntisi də yoxdu.

Amma bütün bunlara baxmayaraq sevgi varsa, hədiyyə də var. Hədiyyə deyəndə isə ən çox yada düşən gül-çiçəkdir. Gül dükanlarına da baş çəkdik. Satıcılar hallarından mənundurlar, deyirlər ki,  14 fevralda həm sifariş, həm də qiymət artır. Hətta eləsi var ki, nə az, nə çox düz 1001 ədəd zanbaq sifariş verib.

Sorğumuza ən maraql cavabı isə Qrabağ qazisi verib. O qeyd edib ki, mən sevdiyimə Qrabağı hədiyyə etdim. 
Bəli, Azərtbaycan qadınları üçün Qarbağdan, Şuşadan artıq hədiyyə ola biməzdi. Ona görə də Qarabağla birlikdə olan hər günümüz bizə bayramdır və sevgi doludur.

14 fevralla bağlı hazırladığımız geniş reportajı sizə təqdim edirik: 

Şahnaz Əziz, Bizim.Media