Mixail Qusmanın Azərbaycan Prezidenti İlham Əliyevdən bəhs edən “Hakimiyyət formulu” filminin premyerası olub.
Bizim.Media Rusiya mətbuatına istinadən xəbər verir ki, yanvarın 30-da "Rossiya-24" telekanalında TASS-ın baş direktorunun birinci müavini Mixail Qusmanın Azərbaycan Prezidenti İlham Əliyevdən bəhs edən "Hakimiyyət formulu" filminin premyerası olub.
“Hakimiyyətin formulu”nun daimi aparıcısı, TASS-ın baş direktorunun birinci müavini Mixail Qusman proqramı Prezident İlham Əliyevin ölkəsinin inkişaf planlarını bölüşdüyü on il bundan əvvəlki kadrlarla açıb.
Qeyd edib ki, illər keçdikcə bunların hamısı reallığa çevrilib.
Proqramda Azərbaycanın təşəbbüsü ilə həyata keçirilən qlobal enerji və nəqliyyat layihələrindən, ölkəmizin bütün sahələrdə dinamik inkişafından, beynəlxalq təşkilatlara, xüsusilə də Qoşulmama Hərəkatına uğurla sədrlik edən ölkənin artan nüfuzundan bəhs edilir.
Koronavirus pandemiyası zamanı inkişaf etməkdə olan ölkələrə yardım göstərilir.
Azərbaycanın əsas problemi həll olunub, Dağlıq Qarabağ münaqişəsi keçmişdə qalıb. Prezident İlham Əliyev müsahibəsində ölkənin ərazi bütövlüyünün bərpasından, doğma Azərbaycan torpaqlarının işğaldan azad edilməsindən danışıb.
Verilişdə işğaldan azad edilmiş torpaqların bərpası prosesini, Azərbaycan dövlət başçısının Qarabağ torpaqlarına səfərlərini əks etdirən kadrlar təqdim olunub.
Mixail Qusman müxtəlif millətlərin və dinlərin nümayəndələrinə Azərbaycanda qədim zamanlardan bəri hökm sürən tolerantlıq mühitini xüsusi qeyd edib: “Multikulturalizm azərbaycanlıların qanındadır”.
Verilişdə fəal inkişaf edən Azərbaycan-Rusiya əlaqələrindən də danışılıb.
Azərbaycana hərarətli tərəqqi arzuları ilə Rusiya Prezidenti Vladimir Putin Prezident İlham Əliyevi yubileyi münasibətilə təbrik edib.
Azərbaycan dövlətinin başçısı Azərbaycan ilə Rusiya arasında bütün sahələrdə, xüsusilə humanitar sahədə genişlənən uğurlu əlaqələrdən danışıb.
Bizim.Media
