Tokayev xalqa müraciət etdi – Nazarbayev vəzifəsindən çıxarıldı - VİDEO

Qazaxıstan prezidenti Kasım-Jomart Tokayev bildirib ki, bu gündən o, respublikanın Təhlükəsizlik Şurasına rəhbərlik edir.

Bizim.Media xəbər verir ki, bu haqda informasiyanı “RİA Novosti” agentliyi yayıb.

Dövlət başçısı belə bir qərarı ölkə daxilində baş verən iğtişaşlar fonunda 24 saat ərzində xalqa ikinci müraciətində açıqlayıb.
Tokayev qeyd edib ki, qarşıdurmalar nəticəsində hüquq-mühafizə orqanlarının əməkdaşları həlak olub, buna görə də hakimiyyət bundan sonra qanunu pozanlara qarşı mümkün qədər sərt davranmaq niyyətindədir.

Prezident paytaxtda xalqla birlikdə qaldığını qeyd edib və yaxın vaxtlarda yaranmış vəziyyətin həlli üçün yeni təkliflərlə çıxış edəcəyinə söz verib. 

Xatırladaq ki, Təhlükəsizlik Şurasının rəhbəri vəzifəsində eks-prezident Nursultan Nazarbayev çalışıb. 

Bizim.Media