Avropa çempionatında lider olan Azərbaycan şahmatçıları Ermənistana qarşı - CƏDVƏL

Sloveniyada keçirilən şahmat üzrə komandalararası Avropa çempionatında bu gün 6-cı turun oyunları keçiriləcək.

Bizim.Media xəbər verir ki, kişilərin yarışında Azərbaycan və Ermənistan yığmaları üz-üzə gələcək.

Hər iki komandanın aktivində 8 xal var. Ən yaxşı əlavə göstəricilər sayəsində Azərbaycan 1-ci, Ermənistan isə 5-ci yerdədir. Rusiya, Ukrayna, Macarıstan və Niderland da hərəyə 8 xal toplayıb.

Azərbaycan - Ermənistan matçı üçün heyətlər:Şəhriyar Məmmədyarov (2765) - Qabriel
Sarkisyan (2664)

Teymur Rəcəbov (2763) - Hayk Martirosyan (2624)

Rauf Məmmədov (2673) - Robert Ovannisyan(2622)

Nicat Abasov (2634) - Samvel Ter-Saakyan (2615).

Oyunlar Bakı vaxtı ilə saat 18:00-da başlayacaq.

Xatırladaq ki, Azərbaycan millisi ilk 5 turda İtaliya (4:0), Serbiya (3:1), Almaniya (2,5:1,5) yığmalarına qalib gəlib, Macarıstan və Rusiya ilə heç-heçə edib.

Qadınların yarışında Azərbaycan şahmatçıları İtaliya ilə qarşılaşacaq. Komandamızın aktivində 7 xal var və 5-ci yerdə qərarlaşıb. İtalyanların da 7 xalı var və 6-cı yerdədir. Rusiya 10 xalla liderdir. Gürcüstan və Yunanıstan hərəyə 8 xalla müvafiq olaraq 2-ci və 3-cü pillələrdə qərarlaşıb.

İtaliya - Azərbaycan

Marina Brunello (2359) - Günay Məmmədzadə (2459)

Olqa Zimina (2339) - Gülnar Məmmədova (2395)

Tea Guechi (2242) - Xanım Baladzhaeva (2369)

Daniela Movilyanu (2214) - Ülviyyə Fətəliyeva (2309).

Avropa çempionatı 9 turdan ibarətdir və noyabrın 21-də başa çatacaq. 

Bizim.Media