Xaçmazın ilk şəhidi belə yad edildi - FOTO

Hazırda oxunan: Xaçmazın ilk şəhidi belə yad edildi - FOTO

39335

Xudat şəhərində Xaçmazın ilk şəhidlərindən biri olan Xüsusi Təyinatlı Qüvvələrin Baş giziri İlham Rəşidovun xatirəsi anılıb.

Bizim.Media xəbər verir ki, 2020-ci il sentyabrın 27-də Murovdağda şəhid düşən İlham Rəşidovu yaxınları, ailəsi və hərbçi dostları onu məzarı başında hörmətlə yad ediblər.

Mərasimdə çıxış edənlər qeyd ediblər ki, 1983-cü ildə Türkmənistanda doğulan İlham Rəşidov orta məktəbi Xaçmazda bitirib. Hərbi Xidmətini bitirdikdən sonra o, Xüsusi Təyinatlı Qüvvələrdə qulluğa başlayıb.

Baş gizir Vətən müharibəsinin ilk günündə Murovdağda döyüş yoldaşlarını xilas etmək istəyərkən minatan mərminin partlaması nəticəsində şəhid olub.

Sağlığında 7 döyüş medalı alan İlham Rəşidov ölümündən sonra Azərbaycan Respublikasının Prezidenti İlham Əliyev tərəfindən "Vətən uğrunda","İgidliyə görə" və"Kəlbəcərin azad olunmasına görə" medallarına layiq görülüb.

Aytəkin Alxaslı, Bizim.Media