Ağdam rayonunda ərazilərdə minalardan təmizləmə işləri aparan Minatəmizləmə Agentliyinin (ANAMA) əməkdaşları rayonda faktaraşdırıcı missiya həyata keçirən nümayəndə heyətinə azad edilmiş torpaqlarımızda işğal zamanı basdırılmış minalar, onların insan həyat və sağlamlığına yaratdığı təhlükə, eyni zamanda minatəmizləmə prosesinin gedişatı, əldə olunan nəticələr və ümumi statistika haqqında məlumat veriblər.
Bizim.Media xəbər verir ki, bu barədə Ombudsman Aparatından məlumat verilib.
MÖVZU İLƏ BAĞLI:
Qarabağın mina problemləri AVROPA MƏTBUATINDA
Ombudsman Səbinə Əliyeva, təsisatın əməkdaşları və ölkəmizdə səfərdə olan İslam Əməkdaşlığı Təşkilatının Ombudsmanlar Assosiasiyasının nümayəndə heyətinin üzvləri ANAMA əməkdaşlarının əməyini yüksək qiymətləndirərək, onlara işlərində uğurlar arzu ediblər.
Ombudsman ANAMA-nın bir sıra əməkdaşını işğaldan azad edilmiş ərazilərimizə təhlükəsiz qayıdışın təmin edilməsində göstərdiyi əvəzsiz və fədakar xidmətlərinə görə fəxri fərmanlarla təltif edib.
Bizim.Media
