Azərbaycanda indiyədək 1 milyard 890 milyondan artıq ipoteka krediti verilib.
Bizim.Media İpoteka və Kredit Zəmanət Fonduna istinadən xəbər verir ki, ipoteka krediti alanların ümumi sayı isə 3 5253 nəfər olub.
Qeyd edək ki, Fond 2005-ci ildə yaradılıb, ipoteka kreditlərinin verilməsinə 2006-cı ildən başlanıb
Bu ilin yanvar-iyul aylarında Fondun müvəkkil bankları 3 445 ailəyə 230,5 milyon manat kredit verilib.
Onun 153,6 milyo manatı adi ipoteka kreditlərinin (2 040 ədəd), 76,8 milyon manatı isə güzəştli ipoteka kreditlərinin (1 405 ədəd) payına düşüb.
İpoteka kreditlərindən faydalananların 70%-ə yaxını gənclər və gənc ailələr olduğu bildirilir.
Xatirə, Bizim.Media
