Ukraynalı qadınları kölə kimi satan Ermənistan vətəndaşı Kiyevdə saxlanıldı

Kiyevdə polis və Ukrayna Təhlükəsizlik Xidməti (UTX) iki Mariupol sakinini cinsi köləliyə cəlb etmək niyyətində olan 38 yaşlı Ermənistan vətəndaşını saxlayıb.

Bizim.Media xəbər verir ki, informasiyanı news.pn saytı Donetsk vilayətinin polis idarəsinin rabitə şöbəsinə istinadən yayıb.

İyul ayında şübhəli şəxsiyyəti bilinməyən bir şəxslə birlikdə qadınları Afinaya fahişəliyə göndərmək üçün cinayət planı qurub. O, çətin maddi vəziyyətlərindən istifadə edərək Mariupol sakinlərini axtarıb və işə götürüb. 

Cinayətkar yüksək əmək haqqı, layiqli yaşayış şəraiti və yemək təklif edərək qadınları "iş"in gəlirliliyinə inandırıb. 

İddiaya görə, qadınlar bir saatlıq intim xidmət göstərmək üçün 50 ABŞ dolları almalı idilər.

İki qadından razılıq aldıqdan sonra müttəhim bütün lazımi sənədləri doldurub və Yunanıstana getməkləri üçün onlara pul ödəyib. Beləliklə, qadınlar borc əsarətinə cəlb edilib, çünki bu pulları qaytarmaq üçün onlar xaricdə işləməli idilər.

Təşkilatçı Kiyevdə qadınlarla şəxsən tanış olub və Yunanıstana uçmaq üçün onları avtobusadək müşayiət edib. 

Bu zaman erməni polis və UTX tərəfindən saxlanılıb. Şübhəlini 5 ildən 12 ilədək həbs cəzası gözləyir.

Bizim.Media