“Bütün yarışlar çox yaxşı gedir, şərait yaxşıdır. Olimpiya Kəndində təşkilatçılıq yüksək səviyyədədir”.
Bizim.Media xəbər verir ki, bunu Tokio-2020 Yay Olimpiya Oyunlarında Türkiyəni təmsil edən azərbaycanlı atlet Ramil Quliyev deyib.
MÖVZU İLƏ BAĞLI:
Tokio-2020: Ramil Quliyev finala çıxa bilmədi
200 m məsafəyə qaçışda finala vəsiqə qazana bilməyən 31 yaşlı idmançı Milli Olimpiya Komitəsinin Facebook səhifəsinə açıqlamasında məqsədlərinin 2024-cü ildə Fransada keçiriləcək Olimpiadaya hazırlaşmaq olacağını söyləyib:
“Qarşıdakı illərlə bağlı daha bir hədəfimiz var: Paris-2024 Yay Olimpiya Oyunları. Bütün idmançılarımıza ən yaxşı nəticələrini göstərməyi arzu edirəm”.
Quliyev sonda Azərbaycana salam göndərməyi də unutmayıb: “Salam, Azərbaycan, səni sevirəm!”
Qeyd edək ki, Olimpiadanın yarımfinal mərhələsində finişə 6-cı yerdə çatan Ramil Quliyev finala yüksələ bilməyib.
Bizim.Media
