Üçüncü Dünya Savaşı ilə bağlı proqnozlar dünya mediasında sıx-sıx görülür. Bu cür ssenarilərdən ən yenisi ABŞ ordusunun ehtiyatda olan admiralı Ceyms Stavridis və jurnalist Eliot Akerman tərəfindən ortaya atılıb.
Bizim.Media xəbər verir ki, bu mövzu haqqında adıçəkilən şəxslərin qələmə aldığı “2034: Növbəti Dünya Savaşının hekayəsi” kitabında bu barədə danışılır.
MÖVZU İLƏ BAĞLI:
Saakaşvili: “Moskva Ukraynaya hücuma hazırlaşır”
Müəlliflər tərəfindən növbəti Cahan Müharibəsinin pilotsuz uçuş aparatları və robot döyüşçülər vasitəsilə aparılacağı qeyd olunub.
Müharibənin isə ABŞ hərbi gəmilərinin Cənubi Çin dənizinə daxil olması ilə başlayacağı bildirilib.
Kitabda, həmçinin kiberhücumların və bioloji silahların müharibənin taleyini həll edəcək əsas faktorlar olacağına işarə edilib.
Murad Əhmədov, Bizim.Media
