22 iyun-29 iyun tarixləri arasında “Türk axını” qaz kəmərinin hər iki dəniz xətti boyunca qaz nəqli dayandırılıb.
Bizim.Media xəbər verir ki, bu barədə layihənin rəsmi saytında məlumat verilib.
“Mk.ru” saytı yazır ki, bu, illik planlı təmir və əsas diaqnostik işlərlə əlaqədardır. “South Stream Transport B.V.” şirkəti dənizdə qaz ötürmə sisteminin operatorudur.
MÖVZU İLƏ BAĞLI:
Türkiyə ilə Azərbaycan Liviyada birgə neft-qaz çıxara bilər – TƏFƏRRÜAT
Xatırladaq ki, “Türk axını”nın uzunluğu 930 kilometrdən çoxdur və Türkiyənin qaz ötürmə sistemini Rusiyanın ən böyük yanacaq ehtiyatları ilə birbaşa əlaqələndirir. Qaz kəməri Qara dəniz boyunca Türkiyənin qərb hissəsinə uzanır, Cənubi və Cənub-Şərqi Avropaya da çatdırılır.
2016-cı ildə uğursuz olan “Cənubi axın” layihəsini “Türk axını” əvəz edib.
Bizim.Media
