Bizim.Media Rusiya mətbuatına istinadən xəbər verir ki, Novosibirsk vilayətində 19 yaşlı Vəkil Abdullayevi öldürən polis əməkdaşı barədə iki aylıq həbs qərarı verilib.
Məlumata görə, vəzifə səlahiyyətlərini aşmaqda və ehtiyatsızlıqdan 19 yaşlı Vəkil Abdullayevin qətlində ittiham olunan Aleksandr Qusev həbs müddətini istintaq təcridxanasında keçirəcək.
MÖVZU İLƏ BAĞLI:
Rusiyada polisin güllələdiyi azərbaycanlı ilə bağlı məlumat - RƏSMİ
Xatırlatmaq üçün deyək ki, mayın 28-də Novosibirsk şəhərində Dövlət Yol Polisi əməkdaşı tərəfindən Vəkil Abdullayev silahla başından atəş açılaraq qətlə yetirilib.
Sosial şəbəkələrdə baş vermiş hadisənin yayılan görüntüləri zamanı yol polis əməkdaşının Vəkil Abdullayevə qarşı kobudluq etdiyi, onun qollarını buraraq polis avtomobilinə söykədiyi zaman tabel silahı ilə ona atəş açdığı görünür. Başından ağır yaralanan 19 yaşlı gənc mayın 30-da xəstəxanada vəfat edib.
Bizim.Media
