Milli Təhlükəsizlik Xidmətinin direktoru Paşinyanın iclasına Kolumbiya bayrağı ilə gəldi – FOTO 

Xəbər verdiyimiz kimi, bu gün Ermənistanın  Baş naziri vəzifəsini icra edən  Nikol Paşinyan Təhlükəsizlik Şurasının iclasını keçirib. İclasa dəvət edilənlər arasında Milli Təhlükəsizlik Xidmətinin direktoru, polkovnik Armen Abazyan da olub. Erməni saytlarında yayılan fotolardan aydın olur ki, onun sol qolunda Ermənistanın əvəzinə Kolumbiyanın bayrağı yapışdırılıb.

Bizim.Media xəbər verir ki, bu detal onun yanında əyləşən Baş Qərargah rəisi general-leytenant Artak Davtyanın da diqqətindən yayınıb və ona bu haqda heç nə deməyib.

Görünür, iclasda qaldırılan məsələlər elə ürəkbulandıran olub ki, heç kim bir-birinin geyiminə fikir verməyib.

Xatırladaq ki, Təhlükəsizlik Şurasının iclasında Ermənistan-Azərbaycan sərhədindəki vəziyyət, bu istiqamətdə atılacaq addımlar müzakirə olunub.

Bizim.Media