Təcili yardıma əsassız zəng edənləri NƏ GÖZLƏYİR? – RƏSMİ AÇIQLAMA

“Əsassız çağırışlarla bağlı hər hansı protokol yoxdur”.

Bizim.Media xəbər verir ki, bunu TƏBİB-in İcraçı direktoru Vüqar Qurbanov jurnalistlərin suallarını cavablandırarkən deyib.

O bildirib ki, vətəndaş bəzən hər hansı simptoma görə təcili tibbi yardıma müraciət edir:

"Yəni müraciət edir ki, ayağım ağrıyır. Xarici ölkələrdə də belədir, əgər şəxsin temperaturu varsa, öncə özünə tibbi yardım göstərir, ondan sonra təcili tibbi yardıma müraciət edir.Biz çağırışa cavab verdikdən, həmin şəxsə xidmət göstəriləndən sonra bilirik ki, bu əsassızdır. Yəni hər bir vətəndaşın çağırışına cavab verilir. Bu, o demək deyil ki, təcili yardım briqadası hər hansı çağırışa çıxmayacaq".

Günay Şahmar, Bizim.Media