"Qalatasaray" Viktor Osimhenlə razılığa gəlib.
Bizim.Media xəbər verir ki, nigeriyalı forvard mövsümün sonunda kimi icarəyə götürüləcək.
"Napoli"nin heyətindən uzaqlaşdırılan Viktor Avropada transfer pəncərəsi bağlanması üzündən klubsuz qalmaq təhlükəsi ilə üzləşib. Nəticədə Osimhen Türkiyədə oynamağa razılıq verib.
Razılaşmaya əsasən "Qalatasaray" hücumçunun illik 11 milyon avroluq maaşını ödəyəcək.
Qeyd edək ki, PSJ-yə keçmək istəyən Osimhen arzusu klubların anlaşmaması üzündən reallaşmayıb. Neapollular onu "Çelsi"yə satmağı təklif etsə də, nigeriyalı Londona getməkdən imtina edib.
Rəşad Rafiqoğlu, Bizim.Media
