Ukrayna Silahlı Qüvvələri Rusiyanın Rostov vilayətinin Proletarsk şəhərində yanğın baş verən və bir neçə gündür söndürə bilmədiyi neft bazasına yenidən hücum edib.
Bizim.Media Rusiya teleqram kanallarına istinadən xəbər verir ki, Ukrayna PUA-sı səhər saat 5 radələrində neft anbarının ərazisinə hücum etməyə cəhd edib.
İlkin məlumatlara görə, hücum nəticəsində xəsarət alan olmayıb.
Qeyd edək ki, neft bazasında yanğın avqustun 18-də səhər saatlarında başlayıb. Hazırda yanğın lokallaşdırılmayıb. Eyni zamanda, alovun kerosin çənlərinə də keçmə təhlükəsi var.
Yeni hücum cəhdi ilə bağlı hələlik rəsmi məlumat yoxdur.
Bizim.Media
