Ukrayna Ali Radası Beynəlxalq Cinayət Məhkəməsinin (BCM) Roma Statutunun ukraynalıları müharibə cinayətlərinə görə təqib etməkdən qoruyan düzəlişlə ratifikasiyasına səs verib.
Bizim.Media TASS-a istinadən xəbər verir ki, bu barədə deputat İrina Geraşenko məlumat verib.
"Ukrayna ayrıca bir bəyanatla Roma Statutunu ratifikasiya etdi. Buna əsasən, qüvvəyə mindikdən sonra yeddi il ərzində Ukrayna Roma Nizamnaməsinin 8-ci maddəsində (müharibə cinayətləri haqqında maddə) nəzərdə tutulan cinayətlərin törədilməsinə görə BCM-in öz vətəndaşları üzərində yurisdiksiyasını tanımır", - deyə o, "Telegram" kanalında yazıb.
Qeyd edək ki, Beynəlxalq Cinayət Məhkəməsi 1998-ci il Roma Statutu əsasında yaradılıb. Hazırda beynəlxalq müqavilədə 123 ölkə iştirak edir. Məhkəmə Haaqada yerləşir, lakin onun istintaqların davam etdiyi ölkələrdə açılan şöbələri var.
Xatırladaq ki, Ukrayna 2000-ci il yanvarın 20-də Roma Statutunu imzalasa da, heç vaxt ratifikasiya etməyib, baxmayaraq ki, 2014-cü ildə Avropa İttifaqı ilə assosiasiya sazişinin şərtlərinə əsasən, bunu etməyə borclu idi.
Bizim.Media
- A-
- A
- A+
Dünya
15:36 / 21.08.2024
Kiyev Roma Statutunu ratifikasiya etdi
Hazırda oxunan: Kiyev Roma Statutunu ratifikasiya etdi
Hazırda oxunan: Kiyev Roma Statutunu ratifikasiya etdi
207700
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
