BMT rəsmisi: Yaxın Şərqdə vəziyyət nəzarətdən çıxa bilər

BMT Yaxın Şərqdəki münaqişənin bütün tərəflərindən təmkinli davranmalarını istəyir və regionda vəziyyətin deeskalasiyası üçün fəal işləyir.

Bizim.Media xəbər verir ki, bunu BMT Baş katibinin sözçüsünün müavini Farhan Haq bildirib.

Onun sözlərinə görə, Yaxın Şərqdə vəziyyət gözlənilməz şəkildə nəzarətdən çıxa bilər: “Bunun qarşısını almaq üçün fəal işləyirik. Biz bütün tərəflərin təmkinli olmasını istəyirik”.

İyulun 31-də HƏMAS Siyasi Bürosunun rəhbəri İsmayıl Həniyənin Tehranda öldürülməsindən sonra İranın tələbi ilə BMT Təhlükəsizlik Şurasının fövqəladə iclası keçirilib. Təhlükəsizlik Şurasına sədrlik edən Rusiya fələstinli siyasətçinin qətlini pisləyən mətbuat bəyanatı qəbul etməyi təklif etsə də, Böyük Britaniya, ABŞ və Fransa sənədi bloklayıb.

Bizim.Media