Qəbələdə hərəkətsiz vəziyyətdə olan avtomobil qəfildən alovlanıb. Sosial şəbəkələrdə yayılan həmin kardrlardan aydın olur ki, minik avtomobili yanır.
Bir neçə gün əvvəl isə Səbail rayonu ərazisində taksi yanıb. Hər iki hadisədə xəsarət alan olmayıb.
Bəs avtomobillərin xüsusən də yay aylarında yanmasına səbəb nədir? Texniki nasazlıq, yoxsa isti hava?
Bizim.Media xəbər verir ki, mövzuya avtomobil ustası Sahil Ağabəyli münasibət bildirib.
Onun sözlərinə görə, yanğınlar adətən avtomobilin elektrik naqillərinə edilən müdaxiləyə görə baş verir. Usta hesab edir ki, avtomobilə əlavə avadanlıq quraşdırıldıqda naqillər həmin yükü qaldıra bilmir, nəticədə belə hadisələr də qaçılmaz olur.
Usta deyir ki, çox nadir hallarda yanacaq sistemindən mühərrikə gedən borulardakı nasazlıq nəticəsində yanğın ola bilər. Bu da adətən ili nisbətən köhnə olan avtomobillərdə baş verir.
Ustalar məsləhət görürlər ki, sürücülər avtomobilə əlavə avadanlıq quraşdırmasınlar.
Daha ətraflı videomaterialda:
Bizim.Media
