“Sabah”ın baş məşqçisi: “Makkabi”ni hələ də favorit hesab edirəm”

Hazırda oxunan: “Sabah”ın baş məşqçisi: “Makkabi”ni hələ də favorit hesab edirəm”

Makkabi ilə oyun haqqında Renduliçin fikirləri və planı - Krunoslav Renduliç, Masazır təmsilçisinin baş məşqçisi, Bakıda "Makkabi" ilə görüşmələrinə dair fikirlərini bölüşüb. Aleksey Kaşuk və oyun planı haqqında məlumatlar.

204508

"Sabah" Konfrans Liqası II təsnifat mərhələsinin cavab oyunu çərçivəsində Bakıda "Makkabi"ni qəbul edəcək.

Bizim.Media xəbər verir ki, Masazır təmsilçisinin baş məşqçisi Krunoslav Renduliç matçdan öncə keçirilən mətbuat konfransında jurnalistlərin suallarını cavablandırıb:

- Yeni mövsümdə evdə ilk oyunumuzdur. Çox təhlükəli rəqibə qarşı oynayacağıq. "Makkabi" mükəmməl komandadır. Səfərdə qalib gəlməyimizə baxmayaraq, hələ də onları favorit hesab edirəm. Qarşılaşmanın ilk hissəsi bitib. Hələ ikinci hissə var. "Makkabi"ni keçmək istəyiriksə, səfərdəkindən daha yaxşı oynamalıyıq.

- Səfərdəki qələbədən sonra futbolçuların eyforiyada olacağından qorxmursuz?

- Həftə ərzində oyunçularla bu barədə danışmışam. Onlara demişəm ki, eyforiyada olmaq lazım deyil. Hamımız dərk edirik ki, sabah bizi çox ağır oyun gözləyir. Amma hazırıq. Əlimizdən gələni etməliyik ki, mərhələni keçək.

- Aleksey Kaşuk Bakıdadır. Onunla danışıq aparırsız?

Hazırda Kaşuk bizim üçün mövzu deyil, başqa hədəflərimiz var.

- Sabahkı oyun üçün planınız nədir?

- Hər zaman belə düşünürəm ki, ən yaxşı müdafiə hücumdur. İlk saniyələrdən müdafiəni düşünsək, bizim üçün yaxşı olmayacaq.

Rəşad Rafiqoğlu, Bizim.Media