Ali məktəblərə builki keçid balları necə olacaq? - DİM-dən AÇIQLAMA

Hazırda oxunan: Ali məktəblərə builki keçid balları necə olacaq? - DİM-dən AÇIQLAMA

Ali məktəblərə builki keçid balları necə olacaq? Dövlət İmtahan Mərkəzi (DİM) 2024-2025-ci tədris ili üzrə respublikanın ali məktəblərinə qəbul imtahanlarını yekunlaşdırıb. DİM avqust ayında abituriyentlər üçün ixtisas seçimini elan edəcək. İxtisas seçimi müsabiqəsinə buraxılacaq abituriyentləri ən çox düşündürən məsələlərdən biri builki keçid ballarının hansı həddə olacağı ilə bağlıdır.

202096

Dövlət İmtahan Mərkəzi (DİM) 2024-2025-ci tədris ili üzrə respublikanın ali məktəblərinə qəbul imtahanlarını yekunlaşdırıb. DİM avqust ayında abituriyentlər üçün ixtisas seçimini elan edəcək.

İxtisas seçimi müsabiqəsinə buraxılacaq abituriyentləri ən çox düşündürən məsələlərdən biri builki keçid ballarının hansı həddə olacağı ilə bağlıdır.

Dövlət İmtahan Mərkəzindən Bizim.Media-ya verilən açıqlamada qeyd edilib ki, builki keçid balları müsabiqə nəticəsində formalaşacaq.

DİM bildirib ki, abituriyentlər ixtisas seçimi zamanı keçən il formalaşmış keçid ballarından istifadə edə bilərlər.

“Keçən il formalaşmış keçid balları 2 nömrəli "Abituriyent" jurnalında dərc olunub. Abituriyentlər istiqamət götürmək üçün həmin ballara baxa bilərlər. Ancaq nəzərə almaq lazımdır ki, həmin ballar dəyişə də bilər.
Çünki keçid balları müsabiqə nəticəsində hər hansı ixtisas üzrə formalaşan və müvafiq ixtisasa ən aşağı balla qəbul olunan abituriyentin balına bərabər olan göstəricidir. Keçid balı müəyyən bir ixtisas üzrə müsabiqədə iştirak edən abituriyentlərin sayı, həmin ixtisas üzrə plan yerləri və abituriyentlərin imtahan nəticələrindən asılı olaraq formalaşır”, - deyə DİM-dən bildirilib.

Bizim.Media