Azərbaycan güləşçisi AVROPA ÇEMPİONU oldu

Hazırda oxunan: Azərbaycan güləşçisi AVROPA ÇEMPİONU oldu

Azərbaycan güləşçisi Avropa Çempionu oldu. Novi Sad şəhərində keçirilən U-17 Avropa çempionatında sərbəst güləşdə Azərbaycanlı idmancılar nailiyyət qazandılar. Hacıhüseyn Əhmədzadə, Hüseyn Hüseynov, İsa Yusibov, Məhəmməd Abbaszadə və Muxamad Qantemirov medal qazandılar.

199695

Serbiyanın Novi Sad şəhərində güləş üzrə U-17 Avropa çempionatı sona yaxınlaşır.

Bizim.Media Azərbaycan Güləş Federasiyasına istinadən xəbər verir ki, bu gün sərbəst güləşdə 48, 55, 65, 80 və 110 kq-da medalçılar müəyyənləşib.

Hacıhüseyn Əhmədzadə (48 kq) belaruslu Vladislav Lisitsaya tam üstünlüklə (10:0) qalib gələrək bürünc medala sahib çıxıb.

Hüseyn Hüseynov (55 kq) əvvəlcə təsəlliverici görüşdə moldovalı Viktor Vdoviyə heç bir şans tanımayıb – 10:0. Axşam seansında belaruslu Artyom Pavluçenkanı (3:0) üstələyən Hüseyn fəxri kürsünün üçüncü pilləsinə yüksəlib.

İsa Yusibov (65 kq) finalda rusiyalı Yasin Bersanukayevlə gərgin görüş keçirib. Son saniyələrdə sevimli fəndini icra edən Gəncə güləş məktəbinin yetirməsi 3:1 hesablı qələbəylə Avropa çempionu olub.

Məhəmməd Abbaszadə (80 kq) təsəlliverici görüşdə macarıstanlı Levente Şikşaydan güclü olsa (6:0) da, bürünc medal uğrunda qarşılaşmada ermənistanlı Sahak Hovannisyana sonuncu xal prinsipinə əsasən (4:4) məğlub olub.

Muxamad Qantemirov (110 kq) finalda rusiyalı Movsar Saydulayevə sonuncu xal prinsipinə əsasən (1:1) uduzaraq gümüş medalla kifayətlənib.

Beləliklə, sərbəst güləşçilər AÇ-nin son günü ərəfəsində 1 qızıl, 1 gümüş və 2 bürünc medal qazanıb.

Bizim.Media