Qırılan liftdə Təranə Qumral da olub? - ÖZƏL AÇIQLAMA

Hazırda oxunan: Qırılan liftdə Təranə Qumral da olub? - ÖZƏL AÇIQLAMA

Bakıdakı lift qırılması hadisəsində müğənni Təranə Qumralın da olması ilə bağlı ətraflı məlumat. Təranə Qumralın qeyd etdiyinə görə hadisədən qurtulan məsələsi və əlavə təfərrüatlar.

198927

Xəbər verdiyimiz kimi, Bakıda Ağa Nemətulla küçəsi 70 ünvanında 17 mərtəbəli binada liftin trosu 7-ci mərtəbədə olarkən qırılıb. Qəza nəticəsində 5 qadın müxtəlif növ ciddi bədən xəsarətləri alıb.

Bizim.Media-nın qaynar xəttinə daxil olan məlumata görə, həmin liftdə müğənni Təranə Qumral da olub.

Məsələ ilə bağlı redaksiyamızın əməkdaşı sənətçi ilə əlaqə saxlayıb. Həmin binada yaşadığını təsdiqləyən Təranə bildirib ki, o liftdən çıxdıqdan sonra bu dəhşətli hadisə baş verib:

“Liftin içində olmamışam, amma xəsarət alan xanımlarla üzbəüz gəlmişəm. Belə ki, mən qızımla liftdən çıxmışam, onlar giriblər. Daha sonra lift qırılıb. Həmin hadisə mənim də başıma gələ bilərdi. Binadakı qan hələ də təmizlənməyib, lift də təmir olunmayıb. Biz 13-cü mərtəbədə yaşayırıq. Hər gün mənzilimizə ayaqla qalxıb düşürük. 17 ildir ki, bu binada yaşayırıq və bu illər ərzində lift sarıdan çox əziyyət çəkirik. Bina yiyəsizdir. Hələ də bizə çıxarış verilməyib. Dəfələrlə aidiyyəti qurumlara müraciət və şikayət etsək də, heç bir nəticə yoxdur”.

Rəşad Əliyev, Bizim.Media

Etiketlər: