Lukaşenkonun rəsmi qarşılanma mərasimi KEÇİRİLDİ - FOTO/VİDEO

Hazırda oxunan: Lukaşenkonun rəsmi qarşılanma mərasimi KEÇİRİLDİ - FOTO/VİDEO

Belarus Prezidenti Aleksandr Lukaşenko Azərbaycan Respublikasına dövlət səfəri çərçivəsində mayın 16-da rəsmi qarşılanma mərasimi ilə qarşılanıb. Azərbaycan Prezidenti İlham Əliyev tərəfindən qarşılanan Belarus Prezidenti ilə birgə hər iki ölkənin Dövlət himnləri səsləndirilib və fəxri qarovul dəstəsi düzülüb.

192367

Azərbaycan Respublikasına dövlət səfərinə gələn Belarus Respublikasının Prezidenti Aleksandr Lukaşenkonun mayın 16-da rəsmi qarşılanma mərasimi olub.

Bizim.Media xəbər verir ki, hər iki ölkənin Dövlət bayraqlarının dalğalandığı meydanda Belarus Prezidentinin şərəfinə fəxri qarovul dəstəsi düzülüb.

Azərbaycan Prezidenti İlham Əliyev Belarus Prezidenti Aleksandr Lukaşenkonu qarşılayıb.

Fəxri qarovul dəstəsinin rəisi Belarus Prezidentinə raport verib.

Belarus Respublikasının və Azərbaycan Respublikasının Dövlət himnləri səsləndirilib.
Azərbaycan nümayəndə heyəti Belarus Prezidentinə, Belarus nümayəndə heyəti isə Azərbaycan Prezidentinə təqdim olunub.

Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Belarus Prezidenti Aleksandr Lukaşenkonun qarşısından keçib.

Dövlət başçıları rəsmi foto çəkdiriblər.