Bu il Azərbaycana hava nəqliyyatı ilə sərnişindaşıma ARTIB

Hazırda oxunan: Bu il Azərbaycana hava nəqliyyatı ilə sərnişindaşıma ARTIB

Bu il Azərbaycana hava nəqliyyatı ilə sərnişindaşıma artıb. Yanvar-aprel aylarında hava nəqliyyatı ilə 926,652 nəfər sərnişin daşınıb. Rusiya, Türkiyə və Birləşmiş Ərəb Əmirlikləri ən çox sərnişin daşınan ölkələr arasındadır.

191348

Bu ilin yanvar-aprel aylarında Azərbaycana hava nəqliyyatı ilə 926 min 652 nəfər sərnişin daşınıb.

Bizim.Media Dövlət Turizm Agentliyinin hesabatına istinadən xəbər verir ki, bu, ötən ilin eyni dövrü ilə müqayisədə 40,7 % çoxdur.

4 ayda Azərbaycana 263 min 505 sərnişin daşınmaqla Rusiya ilk yeri tutur. Bu da, 2023-cü ilin eyni dövrü ilə müqayisədə 37,6 % artım deməkdir.

Təkcə aprel ayında Azərbaycana 258 min 176 sərnişin daşınıb. Bu, ötən ilin eyni ayı ilə müqayisədə 46,3 % çoxdur. Apreldə Rusiyadan 71 min 835 sərnişin daşınıb ki, bu da ötən ilin aprel ayı ilə müqayisədə 38,7 % çoxdur.

Qeyd edək ki, bu ilin yanvar-aprel aylarında Rusiyadan sonra ən çox Azərbaycana Türkiyədən sərnişin daşınıb. Bu ölkədən 217 min 689 nəfər sərnişin səfər edib ki, bu da illik müqayisədə 21,4 % çoxdur.
İlk üçlüyə Birləşmiş Ərəb Əmirlikləri 131 min 325 sərnişinlə (+42 %) daxil olub.

Bizim.Media