Xaricdə təhsil almış daha 62 nəfərin diplomu TANINMADI 

Aprel ayı üzrə xaricdə təhsil almış 399 müraciətçinin 337-si barədə müsbət qərar verilərək müvafiq şəhadətnamələr təqdim edilib, 62 nəfərin müraciəti isə mənfi qərarla yekunlaşıb. 

Bu barədə Bizim.Media-ya Təhsildə Keyfiyyət Təminatı Agentliyindən məlumat verilib. 

Qeyd olunub ki, tədris yükünü mənimsəmək üçün təhsil aldığı ölkənin ərazisində tələb olunan normativdən az olması səbəbi ilə 46, akkreditasiyasız ali təhsil müəssisəsi səbəbilə 8, dövlət nümunəli olmayan diplom üzrə 4, ekvivalenti olmayan ixtisas üzrə 2, təhsil forması üzrə 2 nəfərin müraciəti mənfi qərarla yekunlaşıb. 
Ölkələr üzrə müraciətlərin sayına nəzər saldıqda Rusiyadan 123, Türkiyədən 90, Ukraynadan 82, Böyük Britaniya və Şimali İrlandiya Birləşmiş Krallığından 29, Gürcüstandan 19, Çindən 8, İtaliyadan 7, Polşadan 6, Macarıstandan 4, Amerika Birləşmiş Ştatlarından 3, İsveçrədən 3, Almaniyadan 2, Əfqanıstandan 2, Kanadadan 2, Niderland Krallığından 2, Qırğızıstandan 2, Avstraliya İttifaqından 1, Belarusdan 1, Birləşmiş Ərəb Əmirliklərindən 1, Cənubi Afrika Respublikasından 1, Çexiyada 1, Estoniyadan 1, Hindistandan 1, İspaniyadan 1, Kiprdən 1, Koreyadan 1, Litvadan 1, Norveçdən 1, Özbəkistandan 1, Rumıniyadan 1, Şimali Makedoniyadan 1 müraciətin olduğu müşahidə olunur. 

Ən çox müraciət olunan ixtisaslara gəlincə tibb üzrə 46, iqtisadiyyat üzrə 32, maliyyə üzrə 31, menecment üzrə 22, biznesin idarə edilməsi üzrə 21 müraciət qeydə alınıb. 

Bizim.Media