Bakıda Türkiyənin 23 Aprel - Milli Suverenlik və Uşaq Bayramı, həmçinin Türkiyə Böyük Millət Məclisinin fəaliyyətə başlamasının 101-ci ildönümü qeyd olunub.
Bizim.Media xəbər verir ki, bu barədə Türkiyə səfirliyinin “Twitter” səhifəsində bildirilib.
Türkiyənin Azərbaycandakı səfirliyində keçirilən tədbirdə qardaş ölkənin səfiri Cahit Bağçı, diplomatik nümayəndəliyin əməkdaşları, eləcə də Bakı Türk Məktəbinin azərbaycanlı və türkiyəli şagirdləri iştirak ediblər.
Əlamətdar gün münasibətilə tədbir iştirakçılarını təbrik edən diplomat bildirib ki, bu bayramı qardaş ölkənin paytaxtı Bakıda gələcəyimizin təminatçısı olan uşaqlarla birlikdə qeyd etmək çox xoşdur. Ulu öndər Mustafa Kamal Atatürkün dediyi kimi, hakimiyyət qeyri-şərtsiz olaraq xalqa məxsusdur.
Səfirin çıxışından sonra Bakı Türk Məktəbinin şagirdləri bu əlamətdar günə həsr olunan şeirlər söyləyiblər.
Eyni zamanda, Bakı Türk Anadolu Liseyinin şagirdi Samirə İsmayılova Türkiyənin milli himnini səsləndirib.
Sonda səfir uşaqları xidməti iş otağına apararaq onu müvəqqəti olaraq şagirdlərə həvalə edib.
Bizim.Media
23 Nisan Ulusal Egemenlik ve Çocuk Bayramı ile Türkiye Büyük Millet Meclisi'nin 101. yıldönümü vesilesiyle bugün Büyükelçiliğimizde Büyükelçilik personeli, Müşavirliklerimiz ve bağlı kurum ve kuruluşlarımızın temsilcilerinin katılımıyla bir tören düzenlenmiştir. pic.twitter.com/9R6y1zfyan
— Bakü Büyükelçiliği (@TCBAKUBE) April 23, 2021
