“Bu ixtisaslara qəbul dayandırılacaq” – Nazirdən MÜHÜM AÇIQLAMA 

“Hal-hazırda mühəndislik və İT ixtisaslarına çox ciddi tələb artımı var”.

Bu fikirləri Bizim.Media-nın sualına cavab olaraq elm və təhsil naziri Emin Əmrullayev deyib.

“Hansı ixtisasların sıradan çıxacağını demək çətindir. Amma biz görürük ki, humanitar ixtisaslarda əvvəlki tələbat yoxdur. Məsələn, Beynəlxalq münasibətlər ixtisasına giriş balı əvvəlki illərdə daha yüksək idi. Hazırda bu ixtisasa tələbat aşağı düşüb. Ancaq bu həmin ixtisasın bağlanacağı demək deyil.

Biz hansısa universitetlərdə müəyyən ixtisasların bağlanmasından danışa bilərik. Bunu da yalnız proqram akkreditasiyasından sonra müəyyən edə bilərik. Bu il ilk dəfə müəllimlik ixtisası üzrə bu akkreditasiyanı keçirəcəyik. Əgər hansısa universitetlərdə ixtisasların müvafiq tələblərə cavab vermədiyini müəyyən etsək, həmin ixtisaslara qəbul dayandırılacaq”.

Nuranə Daxilqızı, Nicat Niftəliyev, Bizim.Media