Yevlaxda ağır yol-nəqliyyat hadisəsi baş verib.
Bizim.media-nın yerli bürosu xəbər verir ki, hadisə Aran qəsəbəsi - Bəhramtəpə yolunun Yevlax rayon Qoyunbinəsi kəndi ərazisindən keçən hissəsində baş verib.
Belə ki, əks istiqamətlərdə olan iki "Mercedes" markalı minik avtomobili toqquşub.
Hadisə şahidlərinin sözlərinə görə, qəza zamanı hər iki avtomobildə olan 7 nəfər xəsarət alıb.
Çırpılmanın güclü olması səbəbindən maşında sıxılıb qalan sürücü və sərnişinlər üçün hadisə yerinə FHN-nin xüsusi riskli xilasetmə qrupu çağırılıb.
Xilas edilən yaralılar Yevlax şəhər mərkəzi rayon xəstəxanasına yerləşdirilib.
Faktla bağlı hüquq-mühafizə orqanları araşdırma başladıb.
Elgün Gəncimsoy, Bizim.Media, Qarabağ bürosu
