Aktyor və rejissor Kənan Mahmudov açıqlaması ilə gündəmə səs salıb.
Bizim.Media xəbər verir ki, sənətçi “YouTube”da yayımlanan “Mirinin dibçəyi” layihəsində bildirib ki, bir il ərzində “TikTok” platformasından 108 min manat pul qazanıb.
““TikTok”dan gələn hədiyyələr mənim olmadığı üçün bunun fərqindəydim. Qazandığım pulun son qəpiyinə qədər insanlara paylayırdım.
Telefonumdan 250 dənə bank kartı silmişəm. Onlar yardım etdiyim insanların bank kartlarının rekvezitləridir. Bu haqda isə heç zaman danışmamışam. Bir ildə mənə 108 min manat “TikTok”dan pul gəlib. İndi məndən soruşsanız ki, o pullar haradadır, cavab verəcəyəm ki, yoxdur. Niyə? Çünki mənim deyil.
Dualarım hər zaman belə olub ki, mənim olmayan mənim olmasın, boğazımdan keçməsin, ailəmə və övladlarıma qismət olmasın. Necə gəlibsə, elə də gedib. Ona görə də mən “TikTok”a qazanc mənbəyi kimi baxmıram. Baxanlara da pis baxmıram. Əsla! Heç kimin işinə qarışmaq olmaz. Kim nə edirsə, özü bilər. O pullar buradan gəlib, buradan da gedirdi. Buna Allah şahiddir”, - deyə Kənan vurğulayıb.
Aparıcının “Bəs vergi?” sualına K.Mahmudov “Dövlət sirridir. Amma müəyyən qədər verdim” deyə qısa cavab verib.
Rəşad Əliyev, Bizim.Media
