34 yaşlı Qabriel Attal Fransanın baş naziri təyin edilib. Bununla da o, ən gənc hökumət başçısı kimi Fransa tarixinə düşüb.
Bizim.Media xəbər verir ki, bu barədə BFMTV kanalı məlumat yayıb.
Fransa Konstitusiya Şurasının hazırkı prezidenti Loran Fabius indiyə qədər bu rekordun sahibi olub. O, 1984-cü ildə 37 yaşında baş nazir təyin edilib.
İndi Qabriel Attal yeni kabinetin formalaşdırılması ilə bağlı təkliflərini Fransa prezidenti Emmanuel Makrona təqdim etməlidir.
Bundan əvvəl Fransa Nazirlər Kabinetinə Elizabet Born rəhbərlik edirdi.
Xatırladaq ki, Attal qeyri-ənənəvi cinsi oriyentasiyasını gizlətmir. O, Emmanuel Makronun "İntibah" partiyasının rəhbəri Stefan Sejournet ilə münasibətdədir.
Bizim.Media
