Vergi orqanları Valeri Meladzenin Moskvadakı şirkətini BAĞLADI 

Moskva Vergi Xidməti Rusiyalı müğənni Valeri Meladzenin 20 il əvvəl açdığı “MB Pro” şirkətini bağlayıb. 

Bizim.Media “Mash” teleqram kanalına istinadən xəbər verir ki, şirkət ifaçılıq sənəti sahəsində xidmətlər göstərirdi. 

Şirkətin bağlanmasına səbəb Valerinin Rusiyanı tərk etdikdən sonra aktivliyin olmaması olub. Əvvəlki vergilərin ödənilməməsinə görə şirkətin hesabları artıq bağlanıb. İndi Federal Vergi Xidməti nəhayət bütün sənədləri sıralayıb və “MB Pro”ya “etibarsız” təsviri verib. 

Qeyd edək ki, Valeri Meladze Ukraynada xüsusi hərbi əməliyyat başlayandan sonra Rusiyanı tərk edib.

Bundan qısa müddət sonra o, Dubayda korporativ tədbiri ilə bağlı qalmaqalın mərkəzində olub. Qalmaqal səbəbindən Valeri Rusiya vətəndaşlığından və mükafatlarından məhrum edilməyə, həmçinin xarici agent kimi tanınmağa çağırılıb.
Bu ilin yazında məlum olub ki, Rusiya Baş Prokurorluğu Moskva prokurorluğuna Ukrayna Silahlı Qüvvələrinin maliyyələşdirilməsi ilə bağlı Valeriyə qarşı yoxlama aparmağı tapşırıb. 

Rəşad Əliyev, Bizim.Media