Azərbaycanda 1991-ci ildən indiyədək 3413 nəfər mina qurbanı OLUB - FOTO

Hazırda oxunan: Azərbaycanda 1991-ci ildən indiyədək 3413 nəfər mina qurbanı OLUB - FOTO

161644

2020-ci il noyabrın 10-dan 2023-cü il oktyabrın 26-dək 334 Azərbaycan vətəndaşı minaya düşüb.

Bizim.Media xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev "X" hesabında yazıb.

O qeyd edib ki, 334 nəfərdən 65-i həyatını itirib, 269 nəfər isə yaralanıb. Ölənlərdən 50 nəfər mülki vətəndaş, 15 nəfər isə hərbçidir. Yaralananlar arasında isə 105 mülki, 164 hərbçi var.
H.Hacıyev bildirib ki, 1991-ci ildən bu günədək 3413 nəfər mina qurbanı olub. Onlardan 357-si uşaq və yeniyetmə, 38 nəfəri isə qadındır.

Xatırladaq ki, mina partlayışı ilə əlaqədar sonuncu hadisə oktyabrın 26-da Tərtərdə baş verib. Tərtər rayonu Talış kəndi ərazisində əkin təsərrüfatında çalışan traktorçu 1970-ci il təvəllüdlü Nurəliyev Elçin Xanbaba oğlu minaya düşüb. Aldığı xəsarətlər nəticəsində onun bir qolu amputasiya edilib.

Bizim.Media