Bu il Azərbaycan 24 milyard kubmetr təbii qaz ixrac EDƏCƏK - RƏSMİ

Hazırda oxunan: Bu il Azərbaycan 24 milyard kubmetr təbii qaz ixrac EDƏCƏK - RƏSMİ

160710

“Bu il Azərbaycanda təbii qaz hasilatı 48,7 milyard kubmetr, ixrac isə 24 milyard kubmetr həcmində proqnozlaşdırılır”.

Bizim.Media xəbər verir ki, bunu energetika naziri Pərviz Şahbazov Energetiklər Günü münasibətilə rəsmi qəzetdə dərc edilmiş məqaləsində bildirib.

Nazir bildirib ki, enerji böhranı dövründə Azərbaycan Avropanın enerji təchizatını şaxələndirən ölkə, enerji təhlükəsizliyinin təminatında etibarlı strateji tərəfdaş olub:

“2021-ci ildə Avropaya 8,2 milyard kubmetr qaz nəql edilmişdisə, enerji təchizatında turbulentliklərin yaşandığı ötən il qaz tədarükü 40 % artımla mümkün ən yüksək səviyyəyə - 11,4 milyard kubmetrə çatdırılıb”.
P. Şahbazovun sözlərinə görə, Trans-Anadolu Boru Kəməri (TANAP) və Trans-Adriatik Boru Kəməri (TAP) vasitəsilə indiyənədək Türkiyə 24,3 milyard kubmetr, Avropa isə 28,7 milyard kubmetr Azərbaycan qazı ilə təchiz edilib.

Bizim.Media

Etiketlər: